நம் நட்பு

நம் நட்பு !!!

ஊனை திரியாக்கி
உயிரில் விளக்கேற்றும் - சக்தி
காதலுக்கு மட்டும் அல்ல
நம் நட்புக்கும் உண்டு !

என் அருகில் நீ இருக்கும் போது
மகிழ்ச்சியின் எல்லையில் இருப்பேன்
கடிகார முள் கூட வேகமா சுற்றும்
உன் பிரிவு எனை வாட்டும் போது
சோகத்தின் சகோதரி ஆகுறேன்
கடிகாரம் கூட ஓட மறுக்கும்
விந்தையை நம் நட்பில் காண்கிறேன்!

நான் பேச நினைப்பதை நீ பேசுவதும்
நீ பேச நினைப்பதை
நான் பேசும் வேடிக்கையை - எண்ணி
ரசித்த நாட்கள் எத்தனை?
ஆழியில் கண்டெடுத்த முத்தைப்போல்
என் வாழ்வில் கிடைத்தது
உன் நட்பு ..!

என்னுடன் நீ இருக்கும்
ஒவ்வொரு மணித்துளியும்
என் வாழ்வில் கிடைத்த வசந்தங்கள்
இந்த வசந்தங்கள் - என்
மரண படுக்கையிலும் வேண்டும் !
வசந்தம் தருவாயா என் நட்பே ...?